اسلام آباد۔21نومبر (اے پی پی) پاکستان’’نو منی فار ٹیرر‘‘ وزارتی اجلاس اچ بھارتی قیادت دے بے بنیاد پروپیگنڈے اتے غیر ذمہ دارانہ بیان کوں مسترد کرݙتے۔ سنوار کوں دفتر خارجہ دے ترجمان موجب ترجمان دفتر خارجہ ممتاز زہرہ بلوچ آکھیا جو پاکستان نویں دہلی اچ تھیوݨ آلے نام نہاد’’نو منی فار ٹیرر‘‘ وزارتی اجلاس اچ بھارتی قیادت ولوں ایندے خلاف سارے حوالے اتے الزامات کوں سختی نال مسترد کر ݙتے۔ بھارت ہر فورم تے پاکستان کوں بدنام کرݨ دی اپݨی ناقابل قبول اتے لاعلاج خواہش بارے کالعدم دہشت گرد تنظیماں دے مالی تعاون اچ پاکستان دے ملوث تھیوݨ دے ولا ولا کوڑے الزام لاتے دنیا کوں دہشت گردی مکاوݨ بارے پاکستان دی کامیابیاں بارے گمراہ کریندا رہندے۔ انہاں آکھیا جو بھارت دی کھوکھلی بیان بازی پاکستان دے کامیاب انسدادِ دہشت گردی دے اقدامات سامھے ناکام تھی ڳی اے جئیں کوں انسدادِ دہشت گردی، انسدادِ منی لانڈرنگ اتے دہشت گردی دی مالی تعان کوں روکݨ دے اعلٰی بین الاقوامی ادارے فنانشل ایکشن ٹاسک فورس (فیٹف) ولوں منیا ڳے۔ پاکستان’’نو منی فار ٹیرر‘‘ وزارتی اجلاس اچ بھارتی قیادت دے بے بنیاد پروپیگنڈے اتے غیر ذمہ دارانہ بیان کوں مسترد کرݙتے۔ہندوستان کوں چاہیدے جو او دہشت گردی بارے آپݨے تشخص کوں فوری طور درست کرے اتے خود غرضانہ سیاسی فائدے کیتے بے شرمی نال ولا کوڑے الزام نہ لاوے۔
پاکستان’’نو منی فار ٹیرر‘‘ وزارتی اجلاس اچ بھارتی قیادت دے بے بنیاد پروپیگنڈے اتے غیر ذمہ دارانہ بیان کوں مسترد کرݙتے
اسلام آباد۔21نومبر (اے پی پی) پاکستان’’نو منی فار ٹیرر‘‘ وزارتی اجلاس اچ بھارتی قیادت دے بے بنیاد پروپیگنڈے اتے غیر ذمہ دارانہ بیان کوں...
.jpg)
.jpg)
.jpg)
.jpg)
.jpg)
