خانکندی۔ 4 جولائی (اے پی پی) وزیراعظم محمد شہباز شریف اَتے ازبکستان دے صدر شوکت مرزیوئیف پاکستان اَتے ازبکستان وچال ݙو طرفہ اَتے کثیر الجہتی سطح تے جاری مضبوط تعاون تے اطمینان دا اظہار کریندے تجارت اَتے سرمایہ کاری، سانجھے رابطے ،توانائی، علاقائی سلامتی، ثقافت اَتے عوامی تبادلیں سودھے مختلف شعبیں وچ تعاون ودھاوݨ تے اتفاق کیتے۔ ݙوہیں رہنماواں پاکستان اَتے ازبکستان وچال پراݨے برادرانہ تعاون کوں مزید گہرا اَتے متنوع بݨاوݨ دے عزم دا اعادہ کیتا۔وزیراعظم دفتر دے میڈیا ونگ توں جاری بیان موجب ، وزیراعظم محمد شہباز شریف ازبکستان دے صدر شوکت مرزیوئیف نال آذربائیجان د?? شہر خانکندی وچ 17ویں ای سی او سربراہی اجلاس دے موقع تے ملاقات کیتی۔ ݙوہیں رہنماواں پاکستان اَتے ازبکستان وچال ݙو طرفہ اَتے کثیر الجہتی سطح تے جاری ت??ڑے تعاون تے اطمینان دا اظہار کیتا۔ وزیراعظم اَتے ازبک صدر ݙوہیں ملکاں دے درمیان ثقافتی، تہذیبی اَتے تاریخی تعلقات تے زور ݙتا جیڑھے متعدد شعبیاں وچ مضبوط شراکت داری دی ٹھوس بنیاد فراہم کریندن۔ملاقات اچ ، ݙوہیں رہنماواں علاقائی رابطے دے منصوبیں، خاص طور تے ٹرانس افغان ریلوے منصوبے دی اہمیت تے زور ݙتا۔ ایں مقصد کیتے وزیراعظم شہباز شریف اَتے ازبک صدر معاہدیں کوں حتمی شکل ݙیوݨ کیتے اپݨے سینئر وزراء دے تاشقند اَتے اسلام ??باد دے دوری?? تے اتفاق کیتا۔ ݙوہیں رہنماواں پاکستان اَتے ازبکستان وچال پراݨے بھرپی آلے تعاون کوں مزید ودھاوݨ دا عزم کیتے ۔ ݙوہیں رہنماواں مشترکہ دلچسپی دے علاقائی اَتے عالمی مسئلی?? تے وی سانجھے نقطہ نظر دا تبادلہ کیتا۔
