ملتان۔19فروری (اے پی پی):وزیرخارجہ مخدوم شاہ محمود قریشی آکھیے جو اپوزیشن مایوس اتے مسترد شدہ سیاست داناں دا ٹولہ اے جیڑھا جو انتشار دی سیاست کریندی پئی اے ۔ 2018ء توں گھن تے ہݨ تئیں حکومت ڈھاوݨ دی کئی واری کوشش کیتی ڳئی انہاں کوں ناکامی تھئی ، جے ہݨ عدم اعتماد دا کھیݙ کھیݙݨ چاہندن تاں آپݨا شوق پورا کرن ، اے ڳالھ انہاں گزریل ݙینھ ملتان اچ این اے 156 دیان یونین کونسلاں 43‘47‘65 اچ تقریبات توں خطاب تے مختلف وفد نال ملاقات اچ آکھی اے ، شاہ محمودقریشی مزید آکھیے جو اپوزیشن کنے جے مکمل ووٹ ہوندے تاں او حکومت اچ ہوندے کیوں جو انہاں کنے ووٹ پورے کائنی لہذا او سڄے کھٻے ݙیکھدے ودن انہاں کوں ناکامی تھیسی۔ اپوزیشن ایں حقیقت کوں منے ،2018ء دے انتخابات اچ عوام انہاں کوں مسترد کیتے عوام جے اپوزیشن تے اعتماد کریندن تاں اڄ او حکومت اچ ہوندے ، انہاں آکھیے جو حکومتی کارکردگی دی بنا تے آکھداں پیاں جو 2023ء دا سال وی تحریک انصاف داسال اے۔ اپوزیشن کوں 2023ء اچ وی مایوسی تھیسی ، اڳلی واری ول ساݙی اے ۔ملک سدھے پاسے ویندا پئے وزیراعظم پاکستان ملک دا وقاراچا تے پاکستان کوں آپݨے پیراں تے کھڑا کرݨ چاہندن ۔
اپوزیشن مایوس اتے مسترد شدہ سیاست داناں دا ٹولہ اے جیڑھا جو انتشار دی سیاست کریندی پئی اے ،شاہ محمودقریشی
ملتان۔19فروری (اے پی پی):وزیرخارجہ مخدوم شاہ محمود قریشی آکھیے جو اپوزیشن مایوس اتے مسترد شدہ سیاست داناں دا ٹولہ اے جیڑھا جو انتشار...
مضمون کا ماخذ : جنگل کی روح: جنگلی کی کال
.jpg)
