اسلام آباد۔18اکتوبر(اے پی پی) نگران وفاقی وزیر داخلہ سرفراز احمد بگٹی غزہ اچ ہسپتال تے اسرائیل دی وحشیانہ بمباری دی شدید مذمت کریندے ہوئیں آکھیے جو ہسپتال اچ زخمیاں، مریضاں اتے پناہ گزیناں تے حملہ غیر انسانی فعل اے،بین الاقوامی برادری غزہ تے اسرائیلی بمباری اتے محاصرے دے خاتمے سانڳے وختی اقدامات کرے ، آپݨے بیان اچ نگران وزیر داخلہ سرفراز احمد بگٹی اسرائیلی حملے اچ 500 توں ودھ شہادتاں تے ݙکھ تے افسوس کیتے تے آکھیے جو ہسپتالاں اتے طبی عملے کوں بین الاقوامی انسانی قانون دے تحت تحفظ حاصل اے، سویلین آبادی اتے املاک کوں نشانہ بݨاوݨ عالمی قوانین دی خلاف ورزی اتے جنگی جرم اے۔ انہاں آکھیے پوری پاکستانی قوم دے دل مظلوم فلسطینیاں نال دھڑکدن۔ انہاں آکھیے اڄوکا اسرائیلی فضائی حملہ فلسطینیاں دی نسل کشی دے مترادف اے۔غزہ اچ خوراک اتے دوائیں ݙیوݨ کیتے وختی اجازت ݙتی ونڄے۔
.jpg)
.jpg)
